|
Die Roos van
Ruimtevlei.
Hierdie bundel huldig H.S. van Blerk, ‘n vrugbare skrywer wat sy debuut reeds in 1948 gemaak het. Die skrywer wat by die ter perse gaan van hierdie boek 91 jaar oud is, moes toe hy in standerd ses was as die seun van ‘n werklose vader uitspring om te verdien. Hy het eers toe hy as lid van die Ossewabrandwag in die stormagtige jare van die Tweede Wêreldoorlog in die gevangenis beland het, geleer dat hy ‘n besondere skryftalent het. Hy is ter dood veroordeel, maar is na ses jaar vrygelaat. In sy veelbewoë lewe het hy kennis gemaak met die spoeldelwerye van Lichtenburg, as mynwerker sy brood aan die Rand verdien, hy het hout aangery uit Marico, rioolslote in die Goudstad gegrawe en die elende van werkloosheid tydens die Depressie leer ken. Hierdie kortverhale is kwalik verteenwoordigend van sy uitgebreide oevre wat van hom ‘n erkende en gerekende Afrikaanse skrywer gemaak het. Dit bied egter tog ‘n indruk van die talle invloede wat hom as mens en skrywer help vorm het – of wat hy soms moes weerstaan het. Dit bied ook ‘n perspektief op sy veelsydigheid as skrywer. H.S. van Blerk het buiten honderde kortverhale, ook meer as dertig romans, jeugverhale en feitelike boeke oor die Slag van Majuba en ander Afrikaner volksgeskiedenis op sy kerfstok. Die Roos van Ruimtevlei is leesvreugde op sy beste! Leergebinde eksemplaar: R475.00 + posgeld.
_________________________________________________________________ Onthou: Jy kan hierdie boek ook
as 'n geskenk vir iemand stuur. Koop leergebinde boek
Koop hardeband boek
Klik enige tyd op My Mandjie hierbo om die bestelling te plaas en te betaal.
|
